DAILY TEZ

Latest News & Breaking News in Urdu - تازہ ترین Daily Tez

عمر اکمل نے سب سے معافی مانگ لی

عمر اکمل نے سب سے معافی مانگ لی

پاکستانی کرکٹر عمر اکمل نے اپنی غلطی کا اعتراف کرلیا ہے۔

عمر اکمل نے اپنے ویڈیو پیغام میں کہا کہ گزشتہ سال مجھ سے غلطی ہوئی جس سے میرے کیریئر اور کرکٹ کو نقصان ہوا، کچھ لوگوں نے مجھ سے رابطہ کیا لیکن میں نے بروقت پی سی بی اینٹی کرپشن کو نہیں بتایا۔

عمر اکمل نے کہا کہ میری غلطی کی وجہ سے پاکستان کی بدنامی ہوئی، میں اپنی فیملی، پاکستان کرکٹ بورڈ(پی سی بی) اور دنیا بھر میں کرکٹ فینز سے معافی مانگتا ہوں۔

انہوں نے کہاکہ فکسنگ کی پیشکش کے بارے میں بروقت نہ بتانے پر مجھے 12 ماہ کی پابندی کا سامنا کرنا پڑا۔

عمر اکمل نے تمام کھلاڑیوں سے درخواست کی کہ آپ ملک اور کھیل کے سفیر ہیں، کسی بھی مشکوک سرگرمی سے دور رہیں، اگر کوئی مشکوک شخص آپ سے رابطہ کرے تو فوری پی سی بی اینٹی کرپشن یونٹ کو آگاہ کریں تاکہ آپ کا دامن اور کرکٹ کیریئر پاک رہے۔

Updated: July 8, 2021 — 10:11 am

Leave a Reply

Your email address will not be published. Required fields are marked *

DAILY TEZ © 2021 DAILY TEZ